Kawruh (Wulangan 1)

• adol ayu : ngendelake ayune
• adol bagus : ngendelake baguse
• adol gawe : ngatonake panggaweane
• adol kringet : nyambut gawe
• bening atine : sumeh
• mbuwang tilas : nutupi tumindake sing ala
• cagak lek : camilan supaya betah melek
• cagak urip : kanggo nyukupi kebutuhan uripe
• cancut taliwanda : sumadya tandang gawe
• cepak rejekine : gampang oleh rejeki
• cilik atine : kuwatir/wedi
• cupet atine : gampang nesu
• cupet budine : ora bisa nggayuh kautaman

"Sing bisa rumangsa, aja rumangsa bisa"
Tegese : wong kuwi tansah kudu bisa rumangsa marang awake dhewe, samadya, ora terus kabeh dianggep bisa utawa ngangah-angah, diayahi kabeh.

Bausastra Wulangan 1

• blinger, keblinger : kliru, kesasar pikire
• gatra : larikaning tembang ing saben pada
• goro-goro : oreging jagat dening lindhu, prahara, lan sapanunggalane; peranganing crita ing wayang ngarepake wetune Semar, Gareng, Petruk, lan Bagong.
• gumlawat : nyandhak (tumandang) apa-apa, ngobahake
• nastiti : setiti
• paugeran : pathokan, cancangan, pranatan
• purwakanthi : tetembungan sing padha swarane utawa padha aksarane
• satuhu : sanyata, satemene
• surasa : teges, maknaning layang, tetembungan lan sapanunggalane
• taberi : sregep sarta telaten
• wanda : peranganing tembung sing muni sakecap
• wasis : pinter, bisa, trampil

Ajar Micara

1. Matur nuwun : digunakake ing paguneman kanggo nglairake rasa sukur lan panuwun.
2. Sugeng enjing : salam kang diucapake nalika ketemu kanca, sedulur, utawa sapa wae ing wayah esuk.
3. Nyuwun pamit : digunakake ing paguneman nalika pamit bali saka mara tamu.
4. Ndherek langkung : diucapake nalika mlaku ana dalan nuli nglewati wong kang lagi jejagongan.
5. Ndherek bingah : digunakake ing paguneman kanggo nglairake rasa melu senang/melu ngucapna syukur.
6. Sugeng rawuh : digunakake nalika mbageake tamu.
7. Nyuwun pangapunten : digunakake ing paguneman nalika njaluk pangapuro.
8. Sugeng sonten : salam kang diucapake nalika ketemu kanca, sedulur, utawa sapa wae ing wayah sore.
9. Ngaturaken kawilujengan :  digunakake nalika mbageake tamu.
10. Sugeng kondur :  salam kang diucapake nalika ana tamu kang mangkat mulih.
11. Nyuwun pangestu : diucapake nalika njaluk pandonga saka bapak utawa ibu.

Sumber : Haryono dkk. (2011). Sinau Basa Jawa Gagrag Anyar Kelas VI SD/MI. Yogyakarta : Yudhistira. Halaman : 3

Tembung Garba lan Tembung Entar

1. Tembung Garba
Tuladha :

• Bima nyirami kembang ing plataran.
  kembang = sekar
• Tari lara mata merga klilipen.
  mata = perangane awak kanggo ndeleng/nyawang
• Tangane sing kecethit dipijetake.
  tangan = perangan awak sing kanggo gumlawat

2. Tembung Entar
Tuladha :

•  Asri dadi kembang desa ing desaku.
  kembang desa = pepujaning priya
• Matane ijo nalika weruh dhuwit.
  matane ijo = seneng
• Ngati-ati bocah kae dawa tangane.
  dawa tangane = seneng colong jupuk / clemer

Kalau dalam Bahasa Indonesia, tembung garba = kalimat denotasi (bermakna sesunguuhnya), sedangkan tembung entar = kalimat konotasi (bermakna khias).

Tuladha Tembung Garba

• Pejabat sing korupsi dadi kembang lambe warga.
• Omonganmu sing nylekit kuwi gawe abang kupingku.
• Wong nggegem tangan kuwi wae kuwi adoh rejekine.
• Aja sok gawe lara atine wong liya, ora becik.
• Bocah kok tipis lambene, apa-apa dicatur.
• Dewi gedhe tekade melu lomba nembang.
• Oleh juwara ateges ora mung ngemut driji.
• Ora dadi juwara, Mardi ora cilik atine.
• Lagi ditimbali wae, kancaku wis entek atine.
• Para juri lomba wis jembar kawruhe.
• Aja nganti kadaluwarsa, sinau kuwi wiwit cilik.
• Pikire landhep dengkul, diterangake angel.
• Masa bodhoa kabel cukupana dhisik!
• Wis direwangi meres kringet wae durung bisa cukup.
• Wis kebacut tatu atine, nadyan dirih-rih tetep mental.
• Weruh mesin jahit iku, Reni gatel tangane.
• Banu pancen landhep pikire, diterangake sedhela langsung mudheng.
• Sing jembar segarane yo, Kang! Sing uwis yo uwis.
• Dewi pancen cilik atine, gampang nesu yen digodhani.
• Marco pancen kandel kupinge, dituturi kaping seket buntet ora tau manut.
• Aja mung kakehan lambe, talk less do more wae lah.
• Yen wis dadi wong sukses, aja gedhe endhase marang liyan yo, Nang!
• Sanadyan sampeyan ki "sudah jatuh tertimpa tangga", sampeyan kudu dawa ususe.
• Esuk-esuk kok peteng ulate. Ono masalah apa to, Mbakyu?
• Banu kuwi pancen amba jangkahe. Isih umur 25 tahun wae bisnise wis tekan mancanegara.

Sumber : Haryono dkk. (2011). Sinau Basa Jawa Gagrag Anyar Kelas VI SD/MI. Yogyakarta : Yudhistira. Hal : 7-8 

Parikan

Parikan ing basa Indonesia diarani pantun. Supaya ora gampang lali, dieling-eling wae yen tembung parikan kuwi asale saka tembung "pari", krama inggile dadi pantun.

Parikan nduweni paugeran :
1. Parikan rong gatra :

• migunakake purwakanthi guru swara (sajak) : a-a
• gatra kapisan minangka sampiran, gatra kaping loro minangka isi.

2. Parikan patang gatra :

• migunakake purwakanthi guru swara (sajak) : a-b-a-b
• gatra kapisan lan kaping loro minangka sampiran, gatra kaping telu lan kaping papat minangka isi.

Tuladha:
1. Parikan rong gatra

• Lombok rawit dibetheti
  Dadi murid sing taberi
• Mancing wader oleh yuyu
  Ben pinter sregep sinau
• Menang kalah aja nesu
  Dadi bocah kang satuhu
• Blarake disampirake
  Omah cedhak ra ngampirke
• Enak jagung bakarane
  Wani tanggung perkarane
• Kembang jagung dipethik Cina
  Barang wis kadhung dikapakna
• Manuk kutut manggung ngganter
  Ra nurut bisa keblinger

2. Parikan patang gatra

• Pait niki raos jamu
  Manis niki raos gendhis
  Sinten remen maos buku
  Luber ngelmu ugi wasis
• Mlinjone kok abang-abang
  Wit ringin rambati kara
  Contone ra kurang-kurang
  Wong main dadi sangsara
• Godhong jarak warna ijo
  Dimamah dadi blokekan
  Lali anak lali bojo
  Lali omah lan gawean
• Rujak nangka rujak wuni
  Kaduk trasi kurang gula
  Saben dina den taberi
  Nastiti sabarang karya
• Golek pangan ing Semarang
  Wos menthik larang regane
  Aja seneng gawe gampang
  Prekara cilik mergane
• Mangan sega lawuh tahu
  Lombok ijo nggo sambele
  Yen pengen kasil uripmu
  Makarya lan ndonga kuncine

Sumber : Haryono dkk. (2011). Sinau Basa Jawa Gagrag Anyar Kelas VI SD/MI. Yogyakarta : Yudhistira. Hal : 4-6.